Mumbai Tamil Teacher

கொடியது கேட்கின்            என்ன கொடுமையப்பா இது? எங்கு பார்த்தாலும் கொலை, கொள்ளை கற்பழிப்பு,..நாடா இது?  யாருக்குமே மனசாட்சி இல்லையா? அனைவரும் சுயநலவாதிகள் .இந்த உலகத்தில் வாழவே பிடிக்கவில்லை. எந்த நேரத்தில் நமக்கும் ஏதாவது நடந்து விடுமோ என்ற அச்சம்...துரோகிகள் வாழும் உலகம் . பாதுகாப்பு இல்லை மனம் ஏதோதோ நினைவுகளில்  அலைமோத அமர்ந்திருந்தேன். திடீரென்று வெளியில் ஒரே சத்தம். என்ன இது? இந்த நேரத்தில் யாராக இருக்கும்? என்ன நடந்துகொண்டிருக்கிறது என்ற கேள்வி தட்டி எழுப்ப மெதுவாக வெளியே எட்டிப்பார்த்தேன்.   அங்கே நான்கைந்துபேர் நின்று கொண்டு  ஏதோ வேடிக்கைப் பார்த்துக் கொண்டிருந்தார்கள். நாமும் என்ன என்று விசாரித்து வருவோம் என்று வீதியில் இறங்கி அவர்களை நோக்கி நடந்தேன்.   அங்கே  கம்பு ஊன்றியபடி பாட்டி ஒருவர் நின்றிருந்தார். அவரிடம் ஏதோ பெரிய பத்திரிகையாளர் போல ஒரு இளைஞன் கேள்விகள் கேட்டுக் கொண்டிருந்தான். நான் அங்கே செல்லும்போது  பாட்டி கொடியது என்ற கேள்வியை முன் வைத்து விடைக்காக காத்து நின்றான் அந்த இளைஞன். அவரோ, ...