நோவாவின் பேழை விடுகதை
நோவாவின் பேழை விடுகதை
1. விண்ணை முட்டிய மலை
பேழை தட்டிய மலை
அது எந்த மலை?
விடை : ஆரராத் மலை
2. வானில் வண்ணம் காட்டுவேன்
மழை நாள் கண்டு மகிழ்ந்து நிற்பேன்
உடன்படிக்கையின் அடையாளம்
நான் என்றதும்
விண்ணில் பறப்பது போல் மகிழ்கிறேன்.
நான் யார் தெரியுமா?
விடை : வானவில்
3. சமாதானம் பேச வந்தேன்
என்னை அழைத்து
காலநிலை அறிந்து வர அனுப்பிவிட்டார்.
நான் யார்?
விடை :. புறா
4. கூடி உண்பேன்
பந்தியில் அல்ல;
தன்னந்தனியாய் வெளியேறினேன்
தண்ணீரில் அல்ல
நான் யார்?
விடை : காகம்
5. தேவனுக்கு பிரியமானது
என் பெயர் உள்ள மலை.
நான் கொத்தி வந்தது இந்த இலை.
அது எந்த இலை?
விடை :ஒலிவ இலை
6. மழை பெய்த நாட்களை
நான்கால் பெருக்கி
பத்தை கழித்தால்
பூமியில் தண்ணீர்
நீடித்த நாட்களாகுமாம்.
அப்படியானால் எத்தனை
எத்தனை நாட்கள் தண்ணீர்
நீடித்திருக்கும்?
சொல்லுங்கள் பார்ப்போம்?
விடை. :150
7.. 'நோ' என்ற மறுப்பும் இல்லை
'வா ' என்ற அழைப்பும் இல்லை
நோவா என்றால் மட்டும்
இப்படித்தான் அழைக்கப்படுமாம்.
அந்த இப்படி...
எப்படி என்பது தெரியுமா?
விடை : இளைப்பாறுதல்
8. ஐந்து மாடி கொண்ட வீடு
எட்டு பேர் வசிக்கும் வீடு
காட்டுவாசி எனக்கும் இங்கே
வீட்டுக் காவல் பணி உண்டு.
நான் யார் தெரியுமா?
விடை:. கொப்பேர் மரம்
9. தாத்தா என்னை சபித்து விட்டார்
அடிமைக்கு அடிமை
போடா என்று சொல்லிவிட்டார்
மனம் நொந்து கிடக்கிறேன்.
நான் யார் தெரியுமா?
விடை : கானான்
10. அடாது பெய்தேன்
விடாது அழுதேன்
இந்த நாளில்
என் மூச்சும் நின்று போனது.
அது எத்தனையாவது நாள் தெரியுமா?
விடை : நாற்பதாவது நாள்
11. சிலந்திக்கும் எங்களுக்கும்
ஒற்றுமை ஒன்றுண்டு
எண்ணிப் பார்த்தால்
விடையும் உண்டு
அது என்ன?
விடை : எட்டு
12 . நோவாவின் ஜலபிரவாகத்திற்கும்
உபவாசத்திற்கும் ஓர்
ஒற்றுமை உண்டாம்.
ஆண்டுகளில் அல்ல...
நாட்களில்.....
கண்டுபிடியுங்கள் பார்ப்போம்.
விடை :. நாற்பது
Comments
Post a Comment