நோவாவின் பேழை - விடுகதை

நோவாவின் பேழை - விடுகதை 

1. விண்ணை முட்டிய மலை

       பேழை தட்டிய மலை

       அது எந்த மலை?

                  விடை : ஆரராத் மலை

2. வானில் வண்ணம் காட்டுவேன்

    மழை நாள் கண்டு மகிழ்ந்து நிற்பேன்

     உடன்படிக்கையின் அடையாளம் நான் என்றதும்

     விண்ணில் பறப்பது போல் மகிழ்கிறேன்.

     நான் யார் தெரியுமா?

   விடை :  வானவில்

3.  சமாதானம் பேசி வந்தேன்

      என்னை அழைத்து

      காலநிலை அறிந்து வர அனுப்பிவிட்டார்

      நான் யார்?

    விடை :. புறா

4. கூடி உண்பேன்

     பந்தியில் அல்ல;

     தன்னந்தனியாய் வெளியேறினேன்

     தண்ணீரில் அல்ல

     நான் யார்?

      விடை : காகம்

                

5.  தேவனுக்கு பிரியமானது இந்த மலை

      நான் கொத்தி வந்தது இந்த இலை

       அது எந்த இலை?

     விடை :ஒலிவ இலை

6. மழை பெய்த நாட்களை

     நான்கால் பெருக்கி

     பத்தை கழித்தால்

     பூமியில் தண்ணீர் நீடித்த நாட்களாகுமாம்

     எத்தனை நாட்களாக இருக்கும்.

     சொல்லுங்கள் பார்ப்போம்?

     விடை.  :150

7..  'நோ' என்ற மறுப்பும் இல்லை

      'வா ' என்ற அழைப்பும் இல்லை

      நோவா என்றால் மட்டும்

      இப்படித்தான்  அழைக்கப்படுமாம்.

     அந்த இப்படி...

     எப்படி என்பது தெரியுமா?

     விடை : இளைப்பாறுதல்

8. ஐந்து மாடி கொண்ட வீடு 

    எட்டு பேர் வசிக்கும் வீடு

    காட்டுவாசி  எனக்கும் இங்கே

    வீட்டுக் காவல் பணி உண்டு.

    நான் யார் தெரியுமா?

 விடை:.  கொப்பேர் மரம்

 

 9. தாத்தா என்னை சபித்து விட்டார்

      அடிமைக்கு அடிமை

      போடா என்று சொல்லிவிட்டார்

      மனம் நொந்து கிடக்கிறேன்.

      நான் யார் தெரியுமா?

விடை : கானான்

10. அடாது பெய்தேன்

       விடாது அழுதேன்

       இந்த நாளில்

       என் மூச்சும் நின்று போனது.

       அது எந்த நாள் தெரியுமா?

 விடை : நாற்பதாவது நாள்

11.   சிலந்திக்கும் எங்களுக்கும் 

       ஒற்றுமை என்பது ஒன்றுண்டு

       எண்ணிப் பார்த்தால் விடையுண்டு

              அது என்ன?

  விடை :       எட்டு

12 .ஜலபிரவாகத்திற்கும்

     உபவாசத்திற்கும் 

     ஒற்றுமை உண்டாம்

     ஆண்டுகளில் அல்ல...

     நாட்களில்.....

     விடுவியுங்கள் பார்ப்போம்.

   விடை :.  நாற்பது